Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Totam timentes concacarunt regiam;
  2. Propulsi vero fustibus vadunt foras.
  3. Vetat dimitti magnus illos Iuppiter.
  4. Mirati sibi legatos non revertier,
  5. Turpe aestimantes aliquid commissum a suis,
  6. Post aliquod tempus alios ascribi iubent.
  7. Rumor legatos superiores prodidit.
  8. Timentes rursus aliquid ne simile accidat,
  9. Odore canibus anum, sed multo, replent.
  10. Mandata dantur et dimittuntur statim.