Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Idem Prometheus, auctor vulgi fictilis
  2. Qui simul offendit ad fortunam frangitur,
  3. Naturae partis veste quas celat pudor,
  4. Cum separatim toto finxisset die,
  5. Aptare mox ut posset corporibus suis,
  6. Ad cenam est invitatus subito a Libero.
  7. Ubi irrigatus multo venas nectare,
  8. Sero domum est reversus titubanti pede.
  9. Tum semisomno corde et errore ebrio
  10. Applicuit virginale generi masculo