Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Palam muttire plebeio piaculum est,
  2. Dum sanitas constabit, pulchre meminero.
  1. Cum destinassem operis habere terminum
  2. In hoc, ut aliis esset materiae satis,
  3. Consilium tacito corde damnavi meum.
  4. Nam si quis talis etiam tituli est appetens,
  5. Quo pacto divinabit quidnam omiserim,
  6. Ut illud ipsum cupiat famae tradere,
  7. Sua cuique cum sit animi cogitatio
  8. Colorque proprius? Ergo non levitas mihi,
  9. Sed certa ratio causam scribendi dedit.