Fabulae
Phaedrus
Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.
- Panthera imprudens olim in foveam decidit.
- Videre agrestes: alii fustes congerunt,
- Alii onerant saxis; quidam contra miseriti
- Periturae quippe, quamvis nemo laederet,
- Misere panem ut sustineret spiritum.
- Nox insecuta est: abeunt securi domum,
- Quasi inventuri mortuam postridie.