Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Nec quicquam possunt nisi meliores carpere,
  2. Fatale exitium corde durato feram,
  3. Donec fortunam criminis pudeat sui.
  1. Phaedri libellos legere si desideras,
  2. Vaces oportet, Eutyche, a negotiis,
  3. Ut liber animus sentiat vim carminis.
  4. Verum inquis tanti non est ingenium tuum,
  5. Momentum ut horae pereat officiis meis.