Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Cum scierint esse tale culpae praemium.
  2. Successus improborum plures allicit.
  1. Aquila in sublimi quercu nidum fecerat;
  2. Feles cavernam nancta in media pepererat;
  3. Sus nemoris cultrix fetum ad imam posuerat.
  4. Tum fortuitum feles contubernium
  5. Fraude et scelesta sic evertit malitia.
  6. Ad nidum scandit volucris: Pernicies ait
  7. Tibi paratur, forsan et miserae mihi;
  8. Nam fodere terram quod vides cotidie
  9. Aprum insidiosum, quercum vult evertere,
  10. Ut nostram in plano facile progeniem opprimat.
  11. Terrore offuso et perturbatis sensibus
  12. Derepit ad cubile setosae suis: