Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Qui capita vestra non dubitatis credere,
  2. Cui calceandos nemo commisit pedes?
  3. Hoc pertinere vere ad illos dixerim,
  4. Quorum stultitia quaestus impudentiae est.
  1. In principatu commutando saepius
  2. Nil praeter domini mores mutant pauperes.
  3. Id esse verum parva haec fabella indicat.