Saturae
Persius
Persius. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.
- adnuere his superos vetuere Iovemque morantur.
- Rem struere exoptas caeso bove Mercuriumque
- accersis fibra: da fortunare penatis,
- da pecus et gregibus fetum! quo pessime, pacto,
- tot tibi cum in flammis [*]() iunicum omenta liquescant?
- et tamen hic extis et opimo vincere ferto
- intendit: iam crescit ager, iam crescit ovile,
- iam dabitur, iam iam—donec deceptus et exspes
- nequiquam fundo suspiret nummus in imo.
- Si tibi crateras argenti incusaque pingui
- auro dona feram, sudes et pectore laevo
- excutiat guttas laetari praetrepidum cor.
- hinc illud subiit, auro sacras quod ovato
- perducis facies; nam fratres inter aenos