Ex Ponto

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. donec fluminea devecta Vitellius unda
  2. intulit exposito milite signa Getis,
  3. at tibi, progenies alti fortissima Donni,
  4. venit in adversos impetus ire viros.
  5. nec mora, conspicuus longe fulgentibus armis,
  6. fortia ne possint facta latere caves,
  7. ingentique .gradu contra ferrumque locumque
  8. saxaque brumali grandine plura subis.
  9. nec te missa super iaculorum turba moratur,
  10. nec quae vipereo tela cruore madent.
  11. spicula cum pictis haerent in casside pinnis,
  12. parsque fere scuti vulnere nulla vacat,
  13. nec corpus cunctos feliciter effugit ictus:
  14. sed minor est acri laudis amore dolor.