Ex Ponto
Ovid
Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).
- maxima pars hominum nec te, pulcherrima, curat,
- Roma, nec Ausonii militis arma timet,
- dant illis animos arcus plenaeque pharetrae
- quamque libet longis cursibus aptus equus,
- quodque sitim didicere diu tolerare famemque,
- quodque sequens nullas hostis habebit aquas.
- ira viri initis non me misisset in istam,
- si satis haec illi nota fuisset humus.
- nec me nec quemquam Romanum gaudet ab hoste,
- meque minus, vitam cui dabat [*](dedit vel dabit corr. Merkel) ipse, capi.