Tristia
Ovid
Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).
- si nihil infesti durus vidisset Ulixes,
- Penelope felix sed sine laude foret,
- victor Echionias si vir penetrasset in arces,
- forsitan Euadnen vix sua nosset humus.
- cum Pelia genitae tot sint, cur nobilis una est?
- nempe fuit misero nupta quod una viro.
- effice ut Iliacas tangat prior alter harenas,
- Laudamia nihil cur referatur erit.
- et tua, quod malles,[*](mallem) pietas ignota maneret,
- implerent venti si mea vela sui.
- di tamen et Caesar dis accessure, sed olim,
- aequarint Pyhos cum tua fata dies,
- non mihi, qui poenam fateor meruisse, sed illi
- parcite, quae nullo digna dolore dolet.