Tristia
Ovid
Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).
- Detur inoffenso vitae tibi tangere metam,
- qui legis hoc nobis non inimicus opus.
- atque utinam pro te possent mea vota valere,
- quae pro me duros non tetigere deos!
- donec eris sospes, [*](felix) multos numerabis amicos :
- tempora si fuerint nubila, solus eris.
- aspicis, ut veniant ad candida tecta columbae,
- accipiat nullas sordida turris aves.
- horrea formicae tendunt ad inania numquam:
- nullus ad amissas ibit amicus opes.