Tristia
Ovid
Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).
- Di maris et caeli—quid enim nisi vota supersunt?—
- solvere quassatae parcite membra ratis,
- neve, precor, magni subscribite Caesaris irae!
- saepe premente deo fert deus alter opem.
- Mulciber in Troiam, pro Troia stabat Apollo;
- aequa Venus Teucris, Pallas iniqua fuit.
- oderat Aenean propior Saturnia Turno;
- ille tamen Veneris numine tutus erat.