Tristia
Ovid
Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).
- Littera quaecumque est toto tibi lecta libello,
- est mihi sollicito tempore facta viae.
- aut haec me, gelido tremerem cum mense Decembri,
- scribentem mediis Hadria vidit aquis,
- aut, postquam bimarem cursu superavimus Isthmon,
- alteraque est nostrae sumpta carina fugae,
- quod facerem versus inter fera murmura ponti,
- Cycladas Aegaeas obstipuisse puto.
- ipse ego nunc [*](ego nunc etenim) miror tantis animique marisque
- fluctibus ingenium non cecidisse meum.