Metamorphoses

Ovid

Ovid. Die Metamorphosen des P. Ovidius Naso, Volume 1-3. Magnus, Hugo, editor. Gotha, Germany: F.A. Perthes. 1892-1919.

  1. declinat cursus aurumque volubile tollit.
  2. Praeterit Hippomenes! Resonant spectacula plausu.
  3. Illa moram celeri cessataque tempora cursu
  4. corrigit atque iterum iuvenem post terga relinquit.
  5. Et rursus pomi iactu remorata secundi
  6. consequitur transitque virum. Pars ultima cursus
  7. restabat; “nunc” inquit “ades, dea muneris auctor!”