Metamorphoses

Ovid

Ovid. Die Metamorphosen des P. Ovidius Naso, Volume 1-3. Magnus, Hugo, editor. Gotha, Germany: F.A. Perthes. 1892-1919.

  1. flexit amans oculos; et protinus illa relapsa est,
  2. bracchiaque intendens prendique et prendere certans
  3. nil nisi cedentes infelix arripit auras.
  4. Iamque iterum moriens non est de coniuge quicquam
  5. questa suo: quid enim nisi se quereretur amatam?
  6. Supremumque “vale,” quod iam vix auribus ille
  7. acciperet, dixit revolutaque rursus eodem est.