Ars Amatoria
Ovid
Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.
- Tantum, cum finges, ne sis manifesta, caveto:
- Effice per motum luminaque ipsa fidem.
- Quam iuvet, et voces et anhelitus arguat oris;
- A! pudet, arcanas pars habet ista notas.
- Gaudia post Veneris quae poscet munus amantem,
- Illa suas nolet pondus habere preces....
- Nec lucem in thalamos totis admitte fenestris;
- Aptius in vestro corpore multa latent.
- Lusus habet finem: cygnis descendere tempus,
- Duxerunt collo qui iuga nostra suo.
- Ut quondam iuvenes, ita nunc, mea turba, puellae
- Inscribant spoliis "Naso magister erat."