Ars Amatoria
Ovid
Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.
- Fata Pheretiadae coniunx Pagasaea redemit:
- Proque viro est uxor funere lata viri.
- 'Accipe me, Capaneu! cineres miscebimus' inquit
- Iphias, in medios desiluitque rogos.
- Ipsa quoque et cultu est et nomine femina Virtus:
- Non mirum, populo si placet illa suo.