Art of Love

Ovid

Ovid, 43 B.C.-17 or 18 A.D, creator; Ehwald, Rudolf, 1847-1927, editor; Merkel, Rudolf, 1811-1885, editor

  1. Utque leves Proteus modo se tenuabit in undas,
  2. Nunc leo, nunc arbor, nunc erit hirtus aper.
  3. Hi iaculo pisces, illi capiuntur ab hamis:
  4. Hos cava contento retia fune trahunt.
  5. Nec tibi conveniet cunctos modus unus ad annos:
  6. Longius insidias cerva videbit anus.
  7. Si doctus videare rudi, petulansve pudenti,
  8. Diffidet miserae protinus illa sibi.
  9. Inde fit, ut quae se timuit committere honesto,
  10. Vilis ad amplexus inferioris eat.
  11. Pars superat coepti, pars est exhausta laboris.
  12. Hic teneat nostras ancora iacta rates.