Epistulae
Ovid
Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.
- Nam simul Eurybates me Talthybiusque vocarunt,
- Eurybati data sum Talthybioque comes.
- Alter in alterius iactantes lumina vultum
- Quaerebant taciti, noster ubi esset amor.
- Differri potui; poenae mora grata fuisset.
- Ei mihi! discedens oscula nulla dedi;
- At lacrimas sine fine dedi rupique capillos —
- Infelix iterum sum mihi visa capi!