Epistulae
Ovid
Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.
- Fax quoque me terret, quam se peperisse cruentam
- Ante diem partus est tua visa parens;
- Et vatum timeo monitus, quos igne Pelasgo
- Ilion arsurum praemonuisse ferunt.
- Utque favet Cytherea tibi, quia vicit habetque
- Parta per arbitrium bina tropaea tuum,
- Sic illas vereor, quae, si tua gloria vera est,
- Iudice te causam non tenuere duae;