Amores

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. More patrum Graio velatae vestibus albis
  2. Tradita supposito vertice sacra ferunt.
  3. Ora favent populi tum cum venit aurea pompa,
  4. Ipsa sacerdotes subsequiturque suas.
  5. Argiva est pompae facies; Agamemnone caeso
  6. Et scelus et patrias fugit Halaesus opes
  7. Iamque pererratis profugus terraque fretoque
  8. Moenia felici condidit alta manu.
  9. Ille suos docuit Iunonia sacra Faliscos.
  10. Sint mihi, sint populo semper amica suo!