Amores

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Cur tua fax urit, figit tuus arcus amicos?
  2. Gloria pugnantes vincere maior erat.
  3. Quid? non Haemonius, quem cuspide perculit, heros
  4. Confossum medica postmodo iuvit ope?
  5. Venator sequitur fugientia; capta relinquit
  6. Semper et inventis ulteriora petit.
  7. Nos tua sentimus, populus tibi deditus, arma;
  8. Pigra reluctanti cessat in hoste manus.
  9. Quid iuvat in nudis hamata retundere tela
  10. Ossibus? ossa mihi nuda relinquit amor.