Amores

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Tu, quia tam longa es, veteres heroidas aequas
  2. Et potes in toto multa iacere toro.
  3. Haec habilis brevitate sua est. corrumpor utraque;
  4. Conveniunt voto longa brevisque meo.
  5. Non est culta — subit, quid cultae accedere possit;
  6. Ornata est — dotes exhibet ipsa suas.
  7. Candida me capiet, capiet me flava puella,
  8. Est etiam in fusco grata colore Venus.