Amores

Ovid

Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.

  1. Quis nisi vel miles vel amans et frigora noctis
  2. Et denso mixtas perferet imbre nives?
  3. Mittitur infestos alter speculator in hostes;
  4. In rivale oculos alter, ut hoste, tenet.
  5. Ille graves urbes, hic durae limen amicae
  6. Obsidet; hic portas frangit, at ille fores.
  7. Saepe soporatos invadere profuit hostes
  8. Caedere et armata vulgus inerme manu.
  9. Sic fera Threicii ceciderunt agmina Rhesi,
  10. Et dominum capti deseruistis equi.
  11. Nempe maritorum somnis utuntur amantes,
  12. Et sua sopitis hostibus arma movent.
  13. Custodum transire manus vigilumque catervas
  14. Militis et miseri semper amantis opus.