Ars Poetica

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. aut prodesse volunt aut delectare poetae
  2. aut simul et iucunda et idonea dicere vitae.
  3. quidquid praecipies, esto brevis, ut cito dicta
  4. percipiant animi dociles teneantque fideles:
  5. omne supervacuum pleno de pectore manat.
  6. ficta voluptatis causa sint proxima veris:
  7. ne quodcumque volet poscat sibi fabula credi
  8. neu pransae Lamiae vivum puerum extrahat alvo.