Satires
Horace
Horace. The Works of Horace. Vol. II. Smart, Christopher, editor. Philadelphia: J. Whetham, 1836.
- aedificare casas, plostello adiungere muris,
- ludere par inpar, equitare in harundine longa
- siquem delectet barbatum, amentia verset.
- si puerilius his ratio esse evincet amare
- nec quicquam differre, utrumne in pulvere, trimus
- quale prius, ludas opus, an meretricis amore
- sollicitus plores: quaero, faciasne quod olim
- mutatus Polemon? ponas insignia morbi,
- fasciolas, cubital, focalia, potus ut ille
- dicitur ex collo furtim carpsisse coronas,
- postquam est inpransi correptus voce magistri?
- porrigis irato puero cum poma, recusat;
- ‘sume, Catelle’: negat; si non des, optet. amator
- exclusus qui distat, agit ubi secum, eat an non,
- quo rediturus erat non arcessitus, et haeret
- invisis foribus? ‘nec nunc, cum me vocet ultro,
- accedam? an potius mediter finire dolores?
- exclusit; revocat: redeam? non, si obsecret.’ ecce
- servus, non paulo sapientior ‘o ere, quae res
- nec modum habet neque consilium, ratione modoque