Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. cum gravius dorso subiit onus. incipit ille:
  2. ‘si bene me novi, non Viscum pluris amicum,
  3. non Varium facies; nam quis me scribere pluris
  4. aut citius possit versus? quis membra movere
  5. mollius? invideat quod et Hermogenes, ego canto.’
  6. interpellandi locus hic erat ‘est tibi mater,
  7. cognati, quis te salvo est opus?’ ‘haud mihi quisquam.
  8. omnis conposui.’ ‘felices. nunc ego resto.
  9. confice; namque instat fatum mihi triste, Sabella
  10. quod puero cecinit divina mota anus urna: