Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. nunc illud tantum quaeram, meritone tibi sit
  2. suspectum genus hoc scribendi. Sulcius acer
  3. ambulat et Caprius, rauci male cumque libellis,
  4. magnus uterque timor latronibus; at bene siquis
  5. et vivat puris manibus, contemnat utrumque.
  6. ut sis tu similis Coeli Birrique latronum,
  7. non ego sim Capri neque Sulci: cur metuas me?
  8. nulla taberna meos habeat neque pila libellos,
  9. quis manus insudet volgi Hermogenisque Tigelli,
  10. nec recito cuiquam nisi amicis idque coactus,
  11. non ubivis coramve quibuslibet. in medio qui
  12. scripta foro recitent, sunt multi quique lavantes:
  13. suave locus voci resonat conclusus. inanis
  14. hoc iuvat, haud illud quaerentis, num sine sensu,
  15. tempore num faciant alieno. ‘laedere gaudes’
  16. inquit ‘et hoc studio pravus facis.’ unde petitum
  17. hoc in me iacis? est auctor quis denique eorum,
  18. vixi cum quibus? absentem qui rodit, amicum
  19. qui non defendit alio culpante, solutos
  20. qui captat risus hominum famamque dicacis,