Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. nil aequale homini fuit illi: saepe velut qui
  2. currebat fugiens hostem, persaepe velut qui
  3. Iunonis sacra ferret; habebat saepe ducentos,
  4. saepe decem servos; modo reges atque tetrarchas,
  5. omnia magna loquens, modo ‘sit mihi mensa tripes et
  6. concha salis puri et toga, quae defendere frigus
  7. quamvis crassa queat.’ deciens centena dedisses
  8. huic parco, paucis contento, quinque diebus
  9. nil erat in loculis; noctes vigilabat ad ipsum
  10. mane, diem totum stertebat; nil fuit unquam