Epodi

Horace

Horace. Q. Horati Flacci Carmina. Vollmer, Friedrich, editor. Leipzig: Teubner, 1912.

  1. priusque caelum Sidet inferius mari
  2. tellure porrecta super
  3. quam non amore sic meo flagres uti
  4. bitumen atris ignibus.”
  5. sub haec puer iam non, ut ante, mollibus
  6. lenire verbis inpias,
  7. sed dubius unde rumperet silentium,
  8. misit Thyesteas preces:
  9. “venena maga non fas nefasque, non valent
  10. convertere humanam vicem.
  11. diris agam vos: dira detestatio
  12. nulla expiatur victima.
  13. quin, ubi perire iussus exspiravero,
  14. nocturnus occurram Furor
  15. petamque voltus umbra curvis unguibus,
  16. quae vis deorum est Manium,
  17. et inquietis adsidens praecordiis
  18. pavore somnos auferam.
  19. vos turba vicatim hinc et hinc saxis petens
  20. contundet obscaenas anus;