Epodi
Horace
Horace. Q. Horati Flacci Carmina. Vollmer, Friedrich, editor. Leipzig: Teubner, 1912.
- formidulosis cum latent silvis ferae
- dulci sopore languidae,
- senem, quod omnes rideant, adulterum
- latrent Suburanae canes
- nardo perunctum, quale non perfectius
- meae laborarint manus.
- quid accidit? cur dira barbarae minus
- venena Medeae valent,
- quibus Superbam fugit ulta paelicem,
- magni Creontis filiam,
- cum palla, tabo munus imbutum, novam
- incendio nuptam abstulit?
- atqui nec herba nec latens in asperis
- radix fefellit me locis.
- indormit unctis omnium cubilibus
- oblivione paelicum?