Epodi

Horace

Horace. Q. Horati Flacci Carmina. Vollmer, Friedrich, editor. Leipzig: Teubner, 1912.

  1. ignota tauris inligaturum iuga
  2. perunxit hoc Iasonem,
  3. hoc delibutis ulta donis paelicem
  4. serpente fugit alite.
  5. nec tantus umquam Siderum insedit vapor
  6. siticulosae Apuliae
  7. nec munus umeris efficacis Herculis
  8. inarsit aestuosius.
  9. at siquid umquam tale concupiveris,
  10. iocose Maecenas, precor,
  11. manum puella savio opponat tuo,
  12. extrema et in sponda cubet.
  1. Lupis et agnis quanta Sortito obtigit,
  2. tecum mihi discordia est,
  3. Hibericis peruste funibus latus
  4. et crura dura compede.
  5. licet superbus ambules pecunia,
  6. fortuna non mutat genus.
  7. videsne, sacram metiente te viam
  8. cum bis trium ulnarum toga,