Epodi

Horace

Horace. Q. Horati Flacci Carmina. Vollmer, Friedrich, editor. Leipzig: Teubner, 1912.

  1. aut pressa puris mella condit amphoris
  2. aut tondet infirmas ovis.
  3. vel cum decorum mitibus pomis caput
  4. Autumnus agris extulit,
  5. ut gaudet insitiva decerpens pira
  6. certantem et uvam purpurae,
  7. qua muneretur te, Priape, et te, pater
  8. Silvane, tutor finium.
  9. libet iacere modo sub antiqua ilice,
  10. modo in tenaci gramine:
  11. labuntur altis interim ripis aquae,
  12. queruntur in Silvis aves
  13. frondesque lymphis obstrepunt manantibus,
  14. somnos quod invitet levis.