Epodi

Horace

Horace. Q. Horati Flacci Carmina. Vollmer, Friedrich, editor. Leipzig: Teubner, 1912.

  1. o dolitura mea multum virtute Neaera:
  2. nam siquid in Flacco viri est,
  3. non feret adsiduas potiori te dare noctes
  4. et quaeret iratus parem
  5. nec semel offensi cedet constantia formae,
  6. si certus intrarit dolor.
  7. et tu, quicumque es felicior atque meo nunc
  8. superbus incedis malo,
  9. sis pecore et multa dives tellure licebit
  10. tibique Pactolus fluat
  11. nec te Pythagorae fallant arcana renati
  12. formaque vincas Nirea,
  13. heu heu, translatos alio maerebis amores,
  14. ast ego vicissim risero.
  1. Altera iam teritur bellis civilibus aetas,
  2. suis et ipsa Roma viribus ruit.
  3. quam neque finitimi valuerunt perdere Marsi
  4. minacis aut Etrusca Porsenae manus,
  5. aemula nec virtus Capuae nec Spartacus acer
  6. novisque rebus infidelis Allobrox