Carmen Saeculare

Horace

Horace, Odes and Epodes. Shorey, Paul,editor; Laing, Gordon Jennings, joint editor. Chicago: B.H. Sanborn and Company, 1919.

  1. Fertilis frugum pecorisque tellus
  2. Spicea donet Cererem corona;
  3. Nutriant fetus et aquae salubres
  4. Et Iovis aurae.
  5. Condito mitis placidusque telo
  6. Supplices audi pueros, Apollo;
  7. Siderum regina bicornis, audi,
  8. Luna, puellas:
  9. Roma si vestrumst opus, Iliaeque
  10. Litus Etruscum tenuere turmae,
  11. Iussa pars mutare Lares et urbem
  12. Sospite cursu,
  13. Cui per ardentem sine fraude Troiam
  14. Castus Aeneas patriae superstes
  15. Liberum munivit iter, daturus
  16. Plura relictis: