Odes

Horace

Horace, Odes and Epodes. Shorey, Paul,editor; Laing, Gordon Jennings, joint editor. Chicago: B.H. Sanborn and Company, 1919.

rerumque prudens et secundis

temporibus dubiisque rectus,

vindex avarae fraudis et abstinens

ducentis ad se cuncta pecuniae,

consulque non unius anni,

sed quotiens bonus atque fidus

iudex honestum praetulit utili,

reiecit alto dona nocentium

voltu, per obstantis catervas

explicuit sua victor arma.

non possidentem multa vocaveris

recte beatum; rectius occupat

nomen beati qui deorum

muneribus sapienter uti

duramque callet pauperiem pati

peiusque leto flagitium timet,

non ille pro caris amicis

aut patria timidus perire.