Odes

Horace

Horace, Odes and Epodes. Shorey, Paul,editor; Laing, Gordon Jennings, joint editor. Chicago: B.H. Sanborn and Company, 1919.

paullum sepultae distat inertiae

celata virtus. non ego te meis

chartis inornatum silebo,

totve tuos patiar labores

inpune, Lolli, carpere lividas

obliviones. est animus tibi

rerumque prudens et secundis

temporibus dubiisque rectus,

vindex avarae fraudis et abstinens

ducentis ad se cuncta pecuniae,

consulque non unius anni,

sed quotiens bonus atque fidus