Odes

Horace

Horace, Odes and Epodes. Shorey, Paul,editor; Laing, Gordon Jennings, joint editor. Chicago: B.H. Sanborn and Company, 1919.

vixere fortes ante Agamemnona

multi; sed omnes inlacrimabiles

urgentur ignotique longa

nocte, carent quia vate sacro.

paullum sepultae distat inertiae

celata virtus. non ego te meis

chartis inornatum silebo,

totve tuos patiar labores

inpune, Lolli, carpere lividas

obliviones. est animus tibi

rerumque prudens et secundis

temporibus dubiisque rectus,