Odes

Horace

Horace, creator; Shorey, Paul, 1857-1934, editor; Laing, Gordon Jennings, 1869-, joint editor; Laing, Gordon Jennings, 1869-1945, joint editor

  • Pindarum quisquis studet aemulari,
  • Iulle, ceratis ope Daedalea
  • nititur pennis vitreo daturus
  • nomina ponto.
  • monte decurrens velut amnis, imbres
  • quem super notas aluere ripas,
  • fervet inmensusque ruit profundo
  • Pindarus ore,
  • laurea donandus Apollinari,
  • seu per audacis nova dithyrambos
  • verba devolvit numerisque fertur
  • lege solutis,
  • seu deos regesque canit, deorum
  • sanguinem, per quos cecidere iusta
  • morte Centauri, cecidit tremendae
  • flamma Chimaerae,
  • sive quos Elea domum reducit
  • palma caelestis pugilemve equomve
  • dicit et centum potiore signis
  • munere donat,