Odes

Horace

Horace, Odes and Epodes. Shorey, Paul,editor; Laing, Gordon Jennings, joint editor. Chicago: B.H. Sanborn and Company, 1919.

  • o quae beatam diva tenes Cyprum et
  • Memphin carentem Sithonia nive,
  • regina, sublimi flagello
  • tange Chloen semel arrogantem.
  • Inpios parrae recinentis omen
  • ducat et praegnans canis aut ab agro
  • rava decurrens lupa Lanuvino
  • fetaque volpes;
  • rumpat et serpens iter institutum,
  • si per obliquum similis sagittae
  • terruit mannos: ego cui timebo,
  • providus auspex,
  • antequam stantis repetat paludes
  • imbrium divina avis imminentium,
  • oscinem corvum prece suscitabo
  • solis ab ortu.