Odes

Horace

Horace, creator; Shorey, Paul, 1857-1934, editor; Laing, Gordon Jennings, 1869-, joint editor; Laing, Gordon Jennings, 1869-1945, joint editor

  • tu lene tormentum ingenio admoves
  • plerumque duro, tu sapientium
  • curas et arcanum iocoso
  • consilium retegis Lyaeo,
  • tu spem reducis mentibus anxiis
  • virisque et addis cornua pauperi
  • post te neque iratos trementi
  • regum apices neque militum arma.
  • te Liber et si laeta aderit Venus
  • segnesque nodum solvere Gratiae
  • vivaeque producent lucernae,
  • dum rediens fugat astra Phoebus.
  • Montium custos nemorumque, virgo,
  • quae laborantis utero puellas
  • ter vocata audis adimisque leto,
  • diva triformis,
  • imminens villae tua pinus esto,
  • quam per exactos ego laetus annos
  • verris obliquum meditantis ictum
  • sanguine donem.