Odes

Horace

Horace, Odes and Epodes. Shorey, Paul,editor; Laing, Gordon Jennings, joint editor. Chicago: B.H. Sanborn and Company, 1919.

  • est et fideli tuta silentio
  • merces: vetabo, qui Cereris sacrum
  • volgarit arcanae, sub isdem
  • sit trabibus fragilemque mecum
  • solvat phaselon; saepe Diespiter
  • neglectus incesto addidit integrum,
  • raro antecedentem scelestum
  • deseruit pede Poena claudo.
  • Iustum et tenacem propositi virum
  • non civium ardor prava iubentium,
  • non voltus instantis tyranni
  • mente quatit solida neque Auster,
  • dux inquieti turbidus Hadriae,
  • nec fulminantis magna manus Iovis:
  • si fractus inlabatur orbis,
  • inpavidum ferient ruinae.
  • hac arte Pollux et vagus Hercules
  • enisus arcis attigit igneas,
  • quos inter Augustus recumbens
  • purpureo bibet ore nectar,