Odes

Horace

Horace, Odes and Epodes. Shorey, Paul,editor; Laing, Gordon Jennings, joint editor. Chicago: B.H. Sanborn and Company, 1919.

  • somnum reducent: somnus agrestium
  • lenis virorum non humilis domos
  • fastidit umbrosamque ripam,
  • non Zephyris agitata Tempe.
  • desiderantem quod satis est neque
  • tumultuosum sollicitat mare
  • nec saevus Arcturi cadentis
  • impetus aut orientis Haedi,
  • non verberatae grandine vineae
  • fundusque mendax arbore nunc aquas
  • culpante, nunc torrentia agros
  • sidera, nunc hiemes iniquas.