Odes

Horace

Horace, creator; Shorey, Paul, 1857-1934, editor; Laing, Gordon Jennings, 1869-, joint editor; Laing, Gordon Jennings, 1869-1945, joint editor

  1. Te maris et terrae numeroque carentis harenae
  2. mensorem cohibent, Archyta,
  3. pulveris exigui prope litus parva Matinum
  4. munera nec quicquam tibi prodest
  5. aerias temptasse domos animoque rotundum
  6. percurrisse polum morituro.
  7. occidit et Pelopis genitor, conviva deorum,
  8. Tithonusque remotus in auras
  9. et Iovis arcanis Minos admissus habentque
  10. Tartara Panthoiden iterum Orco
  11. demissum, quamvis clipeo Troiana refixo
  12. tempora testatus nihil ultra
  13. nervos atque cutem morti concesserat atrae,
  14. iudice te non sordidus auctor
  15. naturae verique. sed omnis una manet nox
  16. et calcanda semel via leti.
  17. dant alios Furiae torvo spectacula Marti,
  18. exitio est avidum mare nautis;
  19. mixta senum ac iuvenum densentur funera, nullum
  20. saeva caput Proserpina fugit: