Odes
Horace
Horace, Odes and Epodes. Shorey, Paul,editor; Laing, Gordon Jennings, joint editor. Chicago: B.H. Sanborn and Company, 1919.
- Te maris et terrae numeroque carentis harenae
- mensorem cohibent, Archyta,
- pulveris exigui prope litus parva Matinum
- munera nec quicquam tibi prodest
- aerias temptasse domos animoque rotundum
- percurrisse polum morituro.
- occidit et Pelopis genitor, conviva deorum,
- Tithonusque remotus in auras
- et Iovis arcanis Minos admissus habentque
- Tartara Panthoiden iterum Orco
- demissum, quamvis clipeo Troiana refixo
- tempora testatus nihil ultra