Odes

Horace

Horace, Odes and Epodes. Shorey, Paul,editor; Laing, Gordon Jennings, joint editor. Chicago: B.H. Sanborn and Company, 1919.

  • Piplei dulcis. nil sine te mei
  • prosunt honores: hunc fidibus novis,
  • hunc Lesbio sacrare plectro
  • teque tuasque decet sorores.
  • Natis in usum laetitiae scyphis
  • pugnare Thracum est: tollite barbarum
  • morem verecundumque Bacchum
  • sanguineis prohibete rixis.
  • vino et lucernis Medus acinaces
  • immane quantum discrepat: inpium
  • lenite clamorem sodales
  • et cubito remanete presso.
  • voltis severi me quoque sumere
  • partem Falerni? dicat Opuntiae
  • frater Megillae, quo beatus
  • volnere, qua pereat sagitta.