Odes

Horace

Horace, Odes and Epodes. Shorey, Paul,editor; Laing, Gordon Jennings, joint editor. Chicago: B.H. Sanborn and Company, 1919.

  1. hic vivum mihi caespitem, hic
  2. verbenas, pueri, ponite turaque
  3. bimi cum patera meri:
  4. mactata veniet lenior hostia.
  • Vile potabis modicis Sabinum
  • cantharis, Graeca quod ego ipse testa
  • conditum levi, datus in theatro
  • cum tibi plausus,
  • clare Maecenas eques, ut paterni
  • fluminis ripae simul et iocosa
  • redderet laudes tibi Vaticani
  • montis imago.
  • Caecubum et prelo domitam Caleno
  • tu bibes uvam: mea nec Falernae
  • temperant vites neque Formiani
  • pocula colles.