Odes

Horace

Horace, Odes and Epodes. Shorey, Paul,editor; Laing, Gordon Jennings, joint editor. Chicago: B.H. Sanborn and Company, 1919.

  • nec Martialis haediliae lupos,
  • utcumque dulci, Tyndari, fistula
  • valles et Usticae cubantis
  • levia personuere saxa.
  • di me tuentur, dis pietas mea
  • et musa cordi est. hic tibi copia
  • manabit ad plenum benigno
  • ruris honorum opulenta cornu.
  • hic in reducta valle Caniculae
  • vitabis aestus et fide Teia
  • dices laborantis in uno
  • Penelopen vitreamque Circen;
  • hic innocentis pocula Lesbii
  • duces sub umbra nec Semeleius
  • cum Marte confundet Thyoneus
  • proelia nec metues protervum