Odes

Horace

Horace, Odes and Epodes. Shorey, Paul,editor; Laing, Gordon Jennings, joint editor. Chicago: B.H. Sanborn and Company, 1919.

  1. detestata. manet sub Iove frigido
  2. venator tenerae coniugis inmemor,
  3. seu visa est catulis cerva fidelibus
  4. seu rupit teretes Marsus aper plagas.
  5. me doctarum hederae praemia frontium
  6. dis miscent superis, me gelidum nemus
  7. Nympharumque leves cum Satyris chori
  8. secernunt populo, si neque tibias
  9. Euterpe cohibet nec Polyhymnia
  10. Lesboum refugit tendere barbiton.
  11. quodsi me lyricis vatibus inseres,
  12. sublimi feriam sidera vertice.
  • Iam satis terris nivis atque dirae
  • grandinis misit pater et rubente
  • dextera sacras iaculatus arcis
  • terruit urbem,
  • terruit gentis, grave ne rediret
  • saeculum Pyrrhae nova monstra questae,
  • omne cum Proteus pecus egit altos
  • visere montis,